45 urte egin ditu Leturiak han eta hemen koplak kantatzen, eta liburu batean bildu nahi izan ditu berak kantaturiko kopla gehienak, trikitixa eta porrusaldak, denen hitzak jasoz eta hainbat datu bilduz: letraren eta doinuaren egileak, ezagunak baldin badira, noiz non eta norekin kantatu izan duen, grabaziorik ote dagoen, eta beste zenbait. Trikitizale guztientzako altxorra izateaz gain, molde txikiko euskal poesiaren erakusgarri bikaina eskaintzen digu.